Back الملكية في المملكة المتحدة Arabic Corona británica AST Böyük Britaniya monarxı Azerbaijani Монархия на Обединеното кралство Bulgarian যুক্তরাজ্যের রাজতন্ত্র Bengali/Bangla Britská monarchie Czech Monarki (Storbritannien) Danish Britische Monarchie German Μοναρχία του Ηνωμένου Βασιλείου Greek Monarchy of the United Kingdom English
.svg)
Huidige lidlande van die Britse realms
Oorsese en eksterne gebiede, geassosieerde lande en kroongebiede van huidige realms
Nie meer lidlande van die Britse realms nie
Die monargie van die Verenigde Koninkryk (algemeen die Britse monargie genoem) is die grondwetlike monargie van die Verenigde Koninkryk en sy oorsese gebiede. Die monarg se titel is "koning" (manlik) of "koningin" (vroulik). Koning Charles III is sedert 2022 die monarg. Hy het die troon bestyg ná die dood van sy moeder, koningin Elizabeth II.
Die monarg (en sy of haar onmiddellike familie) onderneem verskeie amptelike, seremoniële, diplomatieke en verteenwoordigende pligte. Omrede die monargie grondwetlik is, is die monarg beperk tot nie-partydige funksies, soos die toeken van ordes en die aanstel van die Eerste Minister. Die monarg is, volgens tradisie, die hoof van die Britse gewapende magte. Die monarg is ook die hoof van die Kerk van Engeland, alhoewel die werklike gesag by die aartsbiskop van Canterbury lê.
Omdat die Britse monarg die hoof van die Britse Statebond is, is hy/sy ook die staatshoof van verskeie lidlande, insluitende: Antigua en Barbuda, Australië, Bahamas, Barbados, Belize, Kanada, Grenada, Jamaika, Nieu-Seeland, Papoea-Nieu-Guinee, St. Kitts en Nevis, St. Lucia, St. Vincent en die Grenadines, Solomoneilande en Tuvalu.